Потпишана фотографија од пасош на актерката Мерилин Монро – направена на денот кога таа беше на меден месец во Јапонија со својот нов сопруг, легендата на Јенкис, Џо Димаџо, во 1954 година – е продадена на аукција за повеќе од 21.000 долари, поточно 21.655 долари.
На малата фотографија со димензии 5,7 x 7 см имаше посвета напишана со црвен молив – „Господине Болдс, ви благодарам и со најдобри поздрави, Мерилин Монро Димаџо“, пишуваше на неа.
Signed Marilyn Monroe passport photo taken for honeymoon with Joe DiMaggio sells for over $21K at auction https://t.co/WYfCfAqidA pic.twitter.com/KednsZyY3H
— New York Post (@nypost) July 11, 2025
Двојката, пишува „Њујорк пост“, отишла во федералната зграда во Сан Франциско на 29 јануари 1954 година за да земе пасоши за нивниот меден месец и службено патување во Јапонија. Сепак, тогаш 27-годишната Монро, чие вистинско име е Норма Џин Мортенсон, немала фотографија за документот, па Џо импровизирал и отишол во блиската фото-кабина и направил неколку копии.
Marilyn Monroe signed this photograph to a passport officer in San Francisco thanking him for his help as she prepared for her Japanese honeymoon with Joe DiMaggio.
— Will Stern (@Will__Stern) July 10, 2025
Sold for $21,655 last night at @RRAuction.
She signed it “Marilyn Monroe DiMaggio” pic.twitter.com/1PSOxD8bnZ
Актерката потпиша една од копиите до службеникот за пасоши Хари И. Болдс.
Двојката, која беше во брак девет месеци, отиде на патување во Јапонија за да ја прослави својата свадба, но и поради деловни обврски – Монро отпатува во Кореја во февруари за да настапи пред американските војници, а Димаџо работеше со јапонските бејзбол тимови како подготовка за сезоната.
Патем, Димаџо беше вториот од трите сопрузи на актерката. Првиот беше полицаец од Лос Анџелес, Џејмс Доерти, додека третиот беше драматургот Артур Милер, од кого се разведе кратко пред нејзината смрт на 36-годишна возраст.