Таа и нејзиниот сопруг Виктор живееле во Америка и често биле видени во Вашингтон откако нивниот зет станал претседател во 2017 година.
Почина Амалија Кнавс, мајката на поранешната прва дама на САД, Меланија Трамп.
Меланија Трамп на социјалните мрежи ја објави тажната вест.
– Амалија Кнавес беше силна жена која секогаш се однесуваше грациозно, пријатно и достоинствено. Таа беше целосно посветена на сопругот, ќерките, внукот и зетот. Ќе ни недостига неизмерно и ќе продолжиме да го почитуваме и сакаме нејзиното наследство“, напиша таа во објавата на X (поранешен Твитер).
Кнавс била од Словенија и била текстилен работник. Таа и нејзиниот сопруг Виктор живееле во Америка и често биле видени во Вашингтон откако нивниот зет станал претседател во 2017 година.
Пензионираниот пар одржуваше редовен контакт со семејството Трамп за време на нивното претседателствување и често патуваше со нив во Мар-а-Лаго и Њу Џерси.
Семејството Кнавс поседуваше дом во Севница, тивок индустриски град со 5.000 жители сместен во бујна долина со дрвја на бреговите на реката Сава во централна Словенија, каде Меланија Трамп посетуваше основно училиште.
Но, бидејќи нивниот внук Барон Трамп е роден во 2006 година, тие поголемиот дел од времето го поминуваа во Њујорк, изјавија тогаш соседите.
Тие станаа државјани на САД во 2018 година, контроверзно добивајќи државјанство преку спонзорството на нивната возрасна ќерка.
Администрацијата на Трамп се обиде да го укине. Доналд Трамп силно ја критикуваше миграцијата врз основа на семејството, редовно нарекувајќи ја „миграција на синџири“.
Меланија Трамп доби американско државјанство во 2006 година.