Раперот Даниел Хернандез, попознат како Tekashi 6ix9ine, бил брутално претепан од група мажи додека бил во теретана на Флорида.
На видеото кое се појави на Твитер, може да се види група мажи како стојат над него и го удираат додека тој се паѓа на подот од тоалетот во теретаната.
На видеото се слушаат и непознатите мажи како му викаат на раперот да замолчи додека тие продолжуваат да го тепаат.
Адвокатот на Теkashi, Ленс Лазаро, изјави за TMZ дека тој ја користел сауната во објектот кога мажите му пришле и почнале да го тепаат. Адвокатот додаде дека раперот немал обезбедување со него во моментот на нападот.
Вработените во теретаната повикале полиција и брза помош, која го пренела раперот во блиската болница.
Тој се здобил со повреди на вилицата, ребрата и грбот, а по телото има бројни расекотини и модринки.
26-годишниот рапер се изјасни за виновен за рекетирање и други обвиненија и се соочи со одлуката една деценија да помине на топол оброк три пати на ден, пред да се согласи да соработува со владата и да сведочи против членовите на Nine Three Gangsta Bloods.