Регулаторната комисија за енергетика, водостопанство и услуги за управување со комунален отпад на Република Северна Македонија донесе одлука за зголемување на малопродажните цени на нафтените деривати во просек за 0,63% во однос на одлуката од 07.02.2025 година.
Малопродажната цена на бензинот ЕУРОСУПЕР БС-95 се зголемува за 0,50 ден/лит, на Екстра лесното масло за домаќинство (ЕЛ-1) за 1,00 ден/лит. Малопродажната цена на Мазут М-1 SU се зголемува за 0,542 ден/кг и сега ќе изнесува 48,011 ден/кг. Малопродажните цени на бензините ЕУРОСУПЕР БС-98 и ЕУРОДИЗЕЛ (Д-Е V) не се менуваат
Од 11.02.2025 година, 00:01 часот, максималните цени на нафтените деривати ќе бидат:
ЕУРОСУПЕР БС – 95 ќе се продава за 79,50 (ден/лит)
ЕУРОСУПЕР БС – 98 ќе се продава за 81,50 ден/лит.
ЕУРОДИЗЕЛ БС (Д-Е V) се продава за 73,00 ден/лит.
Екстра лесното мазут 1 (ЕЛ-1) ќе се продава за 73,00 ден/лит.
Мазут М-1 SU ќе се продава за 48.011 денари/килограм