Бројот на повредени лица засега сѐ уште не се знае и допрва се утврдува. Дел од повредените се префрлени во штипската и во скопските клиники.
Како што известуваат локалните медиуми, причина за ширење на пламените јазици во дискотеката биле употребени пиротехнички средства, настап имала македонската група ДНК. Во моментот на избувнувањето и ширењето на пожарот, дискотеката била полна со луѓе.
Изминатата ноќ во дискотеката „Пулс“ во градот на истокот Кочани избувнал пожар во кој, според информации на МВР дадени за новинската агенција МИА, има најмалку 50 жртви.
Бројот на повредени лица засега сè уште не се знае и допрва се утврдува. Дел од повредените се префрлени во штипската и во скопските клиники. Официјални податоци за тоа како настанал пожарот и кои се причините сè уште нема.
Како што известуваат локалните медиуми, причина за ширење на пламените јазици во дискотеката биле употребени пиротехнички средства, настап имала македонската група ДНК. Во моментот на избувнувањето и ширењето на пожарот, дискотеката била полна со луѓе.
Локалните медиуми пренесуваат дека по избувнувањето на пожарот, пристигнале голем број противпожарни бригади, амбулантни возила и брза помош и полициско присуство.
Утринава, присутните пред дискотеката во Кочани во очај ги бараат своите блиски. Бараат информации оти никој не знае дали се живи или мртви.
„Ја барам внука ми. Внатре не пуштаат да се влезе, а ние не знаеме каде е. Телефонот и ѕвони, таа не се јавува. Бевме во болницата во Кочани, во Штип, некои се пратени во Скопје. Можеби е повредена и не може да се јави. Мора некој нешто да ни каже итно, каде да бараме“, изјави соговорник на РСЕ од Кочани.
Директорот на Центарот за управување со кризи, Стојанче Ангелов информира дека веќе се наоѓа во Кочани, заедно со министерот за внатрешни работи Панче Тошковски и директорот на Бирото за јавна безбедност Александар Јанев. Тој најави дополнителни информации за подоцна.
Се огласија и од Обвинителството, од каде велат дека точниот број на жртви и повредени допрва ќе се утврдува.
„Сите надлежни служби, вклучително и јавен обвинител од ОЈО Кочани се на терен. Бројот на жртви и повредени се утврдува. Сè уште се преземаат дејствија и се врши увид. Јавниот обвинител на РСМ, како и основните јавни обвинители на ОЈО Скопје и на организиран криминал се на пат кон Кочани. На кочанското обвинителство ќе му бидат на располагање сите капацитети на обвинителствата за итно постапување“, соопштија од ОЈО.