Необичен настан се случи во Адана, Турција, каде што мал авион „Ултра Лајт“ се урна во плантажа со цитрусни плодови за време на предлог за брак, при што повредени се две лица.
Инцидентот се случил во населбата Јурегир, во близина на пистата „Келајнак“.
Според извештаите, во авионот биле 39-годишниот пилот Бурак Јурекли и Шејда Доган, која била поканета на летот од нејзиното момче да направи романтична понуда за брак од земја, преку радиоврска.
Снимката снимена со телефон го прикажува моментот кога Шејда вели „Да“, неколку моменти пред авионот да ја изгуби контролата и да се сруши.
Повредените се веднаш префрлени во Универзитетската болница во Адана, а нивната состојба е сериозна.