Аралското Море, на границата меѓу Казахстан и Узбекистан, некогаш беше четврто по големина езеро во светот. Меѓутоа, сега речиси исчезна – е претворена во опасна пустина. Езерото пред 60 години имало површина од 68.000 квадратни километри, но извештаите покажуваат дека водата денес зафаќа само околу 8.000 квадратни километри. Останува само пустина наречена Аралкум!
За споредба, површината на Аралското Море некогаш беше со големина на Ирска (68.883 квадратни километри), но сега е помала од Кипар (9.241) или Порторико (8.868).
Истражувањата покажаа и дека загубата на ова езеро доведе до удвојување на атмосферската прашина од 1984 до 2015 година, од 14 на 27 милиони тони, што влијаеше на животот на повеќе од 3 милиони луѓе во областа, пишува ScienceAlert .
Според извештајот на Anadolu Agency , за време на советскиот период, од 1960 до 1990 година, регионот бил трансформиран во област за производство на памук. Земјоделското наводнување беше проширено од 4,5 милиони на 7 милиони хектари, драстично зголемување на побарувачката за вода и намалување на протокот на реките Сир Дарја и Аму Дарја.
Како што водата се повлекуваше, Аралското Море се трансформираше во пустината Аралкум , често наречена најмладата пустина во светот.
До средината на 20 век , ова солено езеро било дом на повеќе од 300 растителни видови, 319 видови птици и 70 видови други животни. Повеќе од половина од тие видови исчезнале или се оддалечиле. Поради 10-кратното зголемување на соленоста во езерото, дојде до речиси целосно исчезнување на животот.
– Ова е дефинитивно една од најголемите еколошки катастрофи во светот – рече Ибрахим Тијав, извршен секретар на Конвенцијата на Обединетите нации за борба против опустинувањето, минатата година.
Фото: Растислав Колесар / Алами / Профимедија
Она што се случи со Аралското Море, пишува ScienceAlert, не е само некоја далечна трагедија која остатокот од светот може да ја игнорира, бидејќи слични настани се случуваат низ целата планета. Езерата и реките во Африка, Европа, Австралија и САД се намалуваат поради земјоделството и климатските промени .