Џорџ и Луи го украдоа шоуто на Парадата, сите зборуваат за нивната снимка: Малиот принц по стапките на големиот брат

За време на првиот ден од четиридневната прослава на 80-годишнината од крајот на Втората светска војна во Европа, денес во Лондон се одржуваат воена парада и надлетувања на авиони , кои ги следат и членови на британското кралско семејство, објави Скај њуз.

Како и секогаш, најмладите членови на кралското семејство привлекоа најголемо внимание од медиумите и луѓето.

Слатко видео од принцовите Џорџ и Луис веќе е широко споделувано на социјалните мрежи.

На видеото се гледа како Џорџ ги мести шишките поради ветерот, а кога неговиот помлад брат видел што прави, веднаш го копирал.

На многу луѓе им се допадна овој потег на најмладиот син на принцот Вилијам и Кејт Мидлтон.

Prince George fixing his hair 😎
Prince Louis 1 second later 🤭 pic.twitter.com/eBlM64lQBj

— EMI (@EmiliaA37440110) May 5, 2025

Кејт носи фустан од Емилија Викстед, шапка од Шон Барат и брош со крило од RAF.

Нејзиниот дедо служел во Кралските воздухопловни сили како пилот за време на Втората светска војна.

Таа му оддаде почит на својот предок со овој детаљ.

Британското кралско семејство е целосно посветено на настаните што го одбележуваат Денот на победата оваа недела и ја слават „несебичната лојалност, должност и служба“ на воената генерација, и покрај интервјуто на принцот Хари, објави „Скај њуз“.

Зборувајќи пред настанот што ќе се одржи во центарот на Лондон во понеделник, кралски помошник рече дека британскиот крал Чарлс, кралицата Камила и другите членови на кралското семејство со нетрпение ги очекуваат сите настани по повод Денот на победата оваа недела, кога ќе им се придружат на остатокот од нацијата, како и на членовите на Комонвелтот и од целиот свет, во прославувањето, комеморацијата и заблагодарувањето на воената генерација, чија несебична лојалност, должност и служба треба да останат траен пример за сите и никогаш не смеат да бидат заборавени.

Разбирливо е дека членовите на семејството не сакаат ништо да „го одвлече вниманието или да го наруши“ прославата на драгоцената победа и храбрите луѓе кои учествуваа во неа, од почит кон преживеаните ветерани.