На рускиот милијардер и сопственик на фудбалскиот клуб Челзи, Роман Абрамовиќ, кој е познат и како пријател на рускиот претседател Владимир Путин, од денес му е забрането да живее во Велика Британија, пишува британскиот таблоид The Sun.
Со месеци не е виден во својот дом во Лондон, а извори тврдат дека никогаш нема да му дозволат да се врати таму.
Службениците за имиграција, наводно, добиле инструкции, според The Sun, да му забранат да се врати во неговата куќа вредна 125 милиони фунти во близина на палатата Кенсингтон. Додаваат дека на овој случај работи специјална имиграциска единица.
Абрамовиќ е еден од 35-те руски олигарси опишани од рускиот опозициски лидер Алексеј Навални како „клучни двигатели на клептократијата“ предводена од Владимир Путин.
Абрамовиќ стана израелски државјанин во 2018 година, а тоа му дозволи да влезе во Велика Британија на шест месеци. Минатата година тој го искористи својот израелски пасош за кратко патување во Лондон. Сепак, висок извор за таблоидот изјавија дека секој од неговите обиди да аплицира за постојана виза „речиси сигурно ќе биде одбиен“.