Победник на 69-тото издание на Евровизискиот натпревар беше Австрија со песната „Wasted Love“, изведена од Џ.Џ., и на крајот победи пред Израел во драматичен финиш. Израел изненадувачки доби најголем број гласови од публиката и со тоа се најде во борба за победа.
Победникот беше избран врз основа на гласовите на стручното жири и гласовите на публиката во сооднос 50:50. Австрија на крајот имаше 436 поени, а доби 178 од публиката.
Песната ја напиша самиот Џеј-Џеј заедно со Теодора Шпириќ и Томас Тарнер, а ова е трет пат Австрија да победи на Евровизија.
Иако Шведска се сметаше за фаворит за победа пред вечервашното финале, кога беа прочитани гласовите на меѓународните жири, беше јасно дека работите не одат по свое.
Израел заврши на врвот со вкупно 357 гласови, а на крајот беше надминат од Австрија. Естонија, претставувана од Томи Кеш, го освои третото место, Шведска заврши на четвртото место, додека Италија заврши на петтото место.
Меѓу првите десет се најдоа Грција, Франција, Албанија, Украина и домаќинот Швајцарија.
По минатогодишната победа на небинарниот уметник Немо со песната „The Code“, Швајцарија ја доби улогата на домаќин на овогодинешниот Евровизиски натпревар, а натпреварот се одржа во Санкт Јакобсхале.
Водители на церемонијата беа Хејзел Бругер, Мишел Ханцикер и Сандра Студер. Учествуваа вкупно 37 земји, а 26 од нив се пласираа во финалето.
Како што е познато, во првото полуфинале што се одржа во вторник, 13 мај, поминаа 10 земји: Албанија, Естонија, Исланд, Холандија, Норвешка, Полска, Португалија, Сан Марино, Шведска и Украина.
Земјите од второто полуфинале кои се пласираа во финалето се: Литванија, Израел, Ерменија, Данска, Австрија, Луксембург, Финска, Латвија, Малта и Грција.