Витамините и минералите во бананите позитивно делуваат на бројни функции во организмот и исто така обезбедуваат мирен сон. Бананите се одлично решение за оние кои имаат проблем да заспијат.
Доколку не сте знаеле колку се добри за телото, ќе ви откриеме во продолжение.
Бананите се богати со калиум, магнезиум, триптофан (суштинска аминокиселина), витамин Б6, јаглехидрати и влакна, а сето тоа може да ви помогне да заспиете. Истражувањата покажаа дека земањето 500 милиграми магнезиум дневно може да го зголеми производството на мелатонин, хормон чиј недостаток го нарушува сонот и да го намали кортизолот (хормонот на стрес).
Освен хемиските процеси во организмот, кои ги поддржуваат бананите, придонесуваат и за чувството на ситост поради пектинот што го содржат. Исто така, ќе ви помогне да спиете поздраво. Многу е важно што јадете пред спиење, бидејќи тоа влијае и на сонот и на варењето во желудникот. Ако храната не се разложи пред спиење, телото ќе го потроши времето што треба да го помине во одмор на разградување на храната.
Тие исто така го одржуваат здравјето на цревата и дигестивниот систем. Имено, според студија од 2017 година, фруктозата од бананите го зголемува производството на киселини потребни за здравјето на цревата, пренесува Ordinacija.hr.