Не е тајна дека исхраната игра клучна улога во нашето целокупно здравје. Иако многу луѓе размислуваат за влијанието на храната и пијалоците врз телесната тежина, важно е да се запамети дека тие исто така имаат значително влијание врз здравјето на мозокот. Пијалоците полни со шеќер, вештачки вкусови и конзерванси не се само лоши за вашето физичко здравје – тие можат да предизвикаат губење на меморијата, тешкотии со концентрацијата и други когнитивни проблеми.
Овие фактори стануваат уште поважни со возраста, бидејќи ризикот од когнитивни болести се зголемува. Затоа, лекарот д-р Ралф Валдо и диететичарот Лиза Ричардс предупредија на трите најштетни пијалоци кои треба да ги избегнуваме доколку сакаме да го зачуваме или подобриме здравјето на мозокот.
Овошни сокови со вештачки вкусови и засладувачи
Иако овошните сокови често се сметаат за здрав избор, особено оние со вештачки вкусови, тие можат да имаат негативни последици за мозокот.
„Овие сокови често содржат високо ниво на додадени шеќери и вештачки адитиви кои можат да ја нарушат меморијата и когнитивната функција со текот на времето преку промовирање на воспаление и оксидативен стрес во мозокот“, предупредува д-р Валдо SheFinds.
Воспалението и оксидативниот стрес се поврзани со проблеми со меморијата и когнитивниот пад. Наместо тоа, подобро е да изберете свежо цедени сокови или да консумирате цели плодови кои обезбедуваат повеќе хранливи материи и помалку штетни состојки.
Алкохол
Познато е дека алкохолот има бројни негативни ефекти, но важно е да се знае колку го оштетува мозокот.
„Алкохолот делува како депресив на централниот нервен систем, ги нарушува когнитивните функции и координацијата“, истакнува Ричардс.
Долготрајното и прекумерно консумирање алкохол може да доведе до сериозни последици, како што се деменција и послаба способност за решавање проблеми. Диететичарот советува: „Умереноста е клучна, но уште подобро е целосно да се избегнува алкохолот и да се изберат безалкохолни алтернативи како макети или газирана вода“.
Диетални пијалоци
Многумина сметаат дека диеталните пијалоци се поздрава алтернатива на засладените пијалоци, но вештачките засладувачи исто така можат да му наштетат на здравјето на мозокот.
,,Редовното консумирање на диетални пијалоци кои содржат вештачки засладувач аспартам може да предизвика когнитивни проблеми. Аспартамот е поврзан со невролошки нарушувања и губење на меморијата поради неговата способност да ја менува функцијата на невротрансмитерите”, објаснува докторот.
За побезбедна опција, можеме да размислиме за вода со природен вкус или билни чаеви кои не содржат штетни хемикалии и обезбедуваат бројни здравствени придобивки.