Срцевите заболувања се една од водечките причини за смрт во светот. Милиони луѓе земаат лекови за намалување на холестеролот и крвниот притисок за да го намалат ризикот. Сепак, постојат и намирници за кои е докажано дека го штитат здравјето на срцето – вклучувајќи го и овошјето. Кардиологот Сара Александар го откри своето омилено овошје за здравјето на срцето, а нејзиниот одговор изненади многумина: авокадо.
Авокадото содржи витамини, минерали и антиоксиданси кои го поддржуваат здравјето на срцето. Еден од клучните е калиумот.
„Калиумот помага во намалувањето на крвниот притисок со намалување на ефектите на натриумот“, рече д-р Александар за EatingWell. Половина авокадо содржи речиси 500 милиграми калиум, повеќе од една банана. Дополнително, авокадото содржи антиоксиданси како каротеноиди и витамин Е, кои помагаат во заштитата на крвните садови, го намалуваат ЛДЛ холестеролот и го подобруваат кардиоваскуларното здравје.
Авокадото содржи растителни стероли кои го намалуваат холестеролот
Покрај тоа, богато е со полинезаситени и мононезаситени масти кои можат да помогнат во намалувањето на LDL холестеролот. Овие масти се толку корисни што експертите често ги препорачуваат наместо заситени масти секогаш кога е можно.
Половина авокадо содржи и речиси седум грама влакна – четвртина од препорачаниот дневен внес. Околу половина од тоа се растворливи влакна, кои помагаат во намалувањето на холестеролот. Влакната исто така можат да помогнат во намалувањето на крвниот притисок.
Исто така, авокадото содржи растителни стероли кои го намалуваат холестеролот со тоа што спречуваат негова апсорпција.
„Растителните стероли можат да го намалат холестеролот со спречување на апсорпцијата на холестерол, а понискиот холестерол може да го намали ризикот од развој на кардиоваскуларни заболувања“, вели д-р Александар.
Покрај тоа, авокадото лесно се вклопува во исхраната – може да се додаде во тост, да се користи наместо мајонез, да се меша во сосови, смутија, па дури и десерти.