Белата куќа официјално го доби својот најмал натрапник досега, кој стапнал на нејзината територија без дозвола – станува збор за љубопитно мало момче кое успеало да се протне низ металната ограда на северната страна на имотот, пишува The Washington Post.
Униформираните агенти на американската тајна служба, кои се одговорни за безбедноста во Белата куќа, се упатиле кон северниот тревник за да го извлечат детето и да го спојат со неговите родители на улицата „Пенсилванија“. Пристапот до комплексот бил накратко ограничен додека полицијата не го вратила малото дете кај неговите родители. Тие беа накратко биле испрашани пред да им биде дозволено да го продолжат своето патување во Вашингтон.
„Полицајците покрај северната ограда на Белата куќа наидоа на љубопитен млад посетител кој дури накратко влезе во Белата куќа. Системот за безбедност на Белата куќа веднаш ги активираше службениците на Тајната служба, а детето и родителите брзо беа обединети“, изјави портпаролот на Тајната служба Ентони Гуглиелми за тамошните медиуми.
Патем, оградата на Белата куќа е двојно зголемена во висина во последниве години на приближно 3,96 метри по серијата безбедносни прекршувања.