Анџелина Џоли го понуди својот дом како засолниште за луѓето кои останаа без покрив над главата поради шумските пожари кои беснеат низ Лос Анџелес. Како што пишува Дејли Мејл, актерката открила дека ги пречекала луѓето кои деновиве останале без покрив над главата во нејзиниот дом кој вреди 25 милиони долари. Ова не е единствената помош што тој има намера да ја пружи.
Таа вети и дека ќе обезбеди парична помош со се што е потребно за да им помогне на тие семејства, доколку е можно, што поскоро да се згрижат и да се вратат на секојдневниот живот. Планира да помогне и со донации за пожарникарите.
„Во моментов се грижам за луѓето кои ми се блиски и ги засолнувам во мојата куќа“, изјави таа.
Инаку, актерката и нејзиниот 16-годишен син Нокс беа фотографирани во супермаркет во Лос Фелиз додека правеа големо купување за да ги донираат на оние на кои тоа им е најпотребно во моментот.
Многу познати личности одлучија да донираат пари, храна и облека за луѓето кои неодамна ги загубија своите домови во Лос Анџелес.
Меѓу нив се сестрите Кардашијан, Џенифер Гарнер, Бијонсе, Хали Бери и други, па дури и Парис Хилтон решила да донира дел од своето богатство и да волонтира во засолниште за напуштени миленици, иако и самата е бездомник во Лос Анџелес.
Потсетуваме, како последица на пожарот загинаа 24 лица, а 23 лица се водат како исчезнати. Прогнозите за наредните денови не ветуваат поволна ситуација. Ветерот од вторник ќе дува засилен, а експертите сметаат дека тоа би можело да биде една од причините за поголемото ширење на пожарот.