Откако го презеде Арсенал, Микел Артета потроши повеќе од 150 милиони евра за доведување играчи на Челзи.
Последен во редот е десното крило Нони Мадуеке, кој, според британските медиуми, наскоро официјално ќе стане нов член на „топџиите“.
Мадуеке пристигна во Челзи пред две години од ПСВ Ајндховен, а се шпекулира дека трансферот во Арсенал ќе изнесува околу 60 милиони евра.
Артета очигледно нема проблем да доведе играчи од редовите на својот лут градски ривал, па затоа и претходно потрошил сериозни пари за засилувања од Челзи.
Најскапото засилување беше Германецот Каи Хаверц, кој чинеше 75 милиони евра. Доаѓањето на Италијанецот Жоржињо го чинеше 14 милиони евра, а на Шпанецот Кепа Аризабалага 6 милиони евра.
Вреди да се напомене дека Арсенал го доведе и Рахим Стерлинг на позајмица од Челзи.
Да потсетиме, Артета стана тренер на Арсенал во декември 2019 година, а потпиша договор со клубот до летото 2027 година.