7-месечната Уриел Шок починала на задното седиште во џип, откако нејзината баба Трејси Никс (65 г.) наводно ја оставила без воздух на Флорида на 22. ноември минатата година.
Како оваа трагедија сама по себе да не била доволна, само неколку месеци претходно се удавил и постариот брат на девојчето додека го чувала истата баба, која сега се товари за тешко убиство.
Поранешната директорка на училиштето односно бабата кажала дека „штотуку заборавила“ на детето откако се вратила дома од ручек и отишла да вежба пијано, оставајќи ја Уриел сама цело попладне на топлина од 32 степени Целзиусови со затворени прозорци.
Нејзиниот брат Езра се удави во езерото кога имал само 16 месеци, откако бил оставен без надзор од неговата баба, неколку дена пред Божиќ 2021 година.
Таа заспала на каучот во дневната соба додека нејзиниот партнер извршувал обврски. Кога се разбудила не можела да го најде детето, па го повикала сопругот, по што Езра го пронашле во езерото на неколку метри од нивната куќа.
Наводно, бабата не се јавила на 911 и не побарала стручна помош, наместо тоа, сопругот на бабата и се јавил на мајката на детето и ѝ рекол – „нешто му се случило на Езра“.
Каила, која тогаш била во шестиот месец од бременоста, по селските патишта со брзина од 85 км/ч се упатила кон куќата на нејзината мајка и директно се судрила со друг автомобил…
Гледајќи како несреќата се случува пред неа, таа кажала дека излегла и трчала без чевли до куќата на нејзината мајка. Трејси не е обвинета во овој случај.
Момчето било извадено од апарати за одржување и починало во прегратките на мајка си на 23. декември 2021 година, по што мајката решила да ја сподели својата болка на социјалната мрежа Фејсбук.
По смртта, Каила и нејзиниот партнер Дру Шок ја изгубиле довербата во Трејси и никогаш не дозволиле нивниот првороден Ашер, кој сега има четири години, да биде сам со неговата баба.
„Бевме вознемирени, но јас ја сакав мајка ми и јас сум ќерка која ја сакаше нејзината мајка во мојот живот и во тој момент помислив дека можам да и дадам втора шанса“, напишала Каила.
Таа решила подоцна да ѝ даде втора шанса – првиот пат кога ја оставила без надзор кај баба и, набрзо била контактирана од полицијата и ја информирале дека нејзината ќерка е мртва.
„Ако сакам да бидам објективна, таа мора да оди во затвор. Како нејзина ќерка ме убива да го кажам тоа. Но како нивна мајка тоа го барам“, изјавила за медиумите мајката која сега бара правда за смртта на нејзините две деца.