Музичарот Џо Џонас (34) беше сликан од новинари пред неколку недели како шета по улиците на Њујорк без прстен. Веднаш почнаа шпекулациите дека нешто не е во ред во неговиот брак. Таа информација стигнала и до пејачот, па брзо го ставил прстенот. Сепак, се чини дека беа во право оние кои велеа дека нивниот брак е во криза. Според TMZ, актерката Софи Тарнер (27) и Џо се пред развод.
Извор близок до парот за споменатите странски медиуми изјавил дека Џо веќе контактирал со најмалку двајца адвокати од Лос Анџелес и наскоро ќе ги потпише документите за развод. Очигледно тие имаат сериозни проблеми во последните шест месеци.
Во последните три месеци Џо речиси цело време се грижеше за децата, дури и додека неговиот бенд беше на турнеја.
Џо и Софи првпат беа видени заедно во 2016 година, а се верија една година подоцна. Целото семејство се собра во 2019 година кога се венчаа, а веќе во 2020 година го добија своето прво дете, ќерката Вила. Минатата година пристигна уште едно девојче, чие име не беше откриено во јавноста. Тие важеа за еден од најстабилните парови во Холивуд.
Секакви работи им се случиле во животот во последните четири години. Професионално, и Џо и Софи беа зафатени.
Џо отишол на турнеја со своите браќа, а има аранжмани и за оваа зима. Софи глумела во филмови и серии, но ни приближно не е толку активна како за време на снимањето на „Игра на тронови“.