Најмалку 13 лица загинаа во самоубиствен напад во сомалискиот главен град Могадишу, соопшти полицијата.
Во соопштението се вели дека атентаторот влегол во воениот камп пеш и се разнел меѓу околу 200 млади мажи кои требало да бидат регрутирани во сомалиската армија.
Според полициските податоци, најмалку 30 лица се повредени.
Самоубиствениот напад се случил утрово во 9:20 часот пред воениот камп Дамахо. Безбедносните сили се на местото на настанот и започнаа истрага.
Се очекува бројот на жртви да се зголеми. Експлозијата се слушнала во неколку делови од градот.
Исламистичката милиција Ал-Шабаб ја презеде одговорноста за нападот и соопшти дека убила десетици нови регрути, објавија локалните медиуми.
Групата, која е поврзана со терористичката мрежа Ал Каеда, ја обвини владата за експлоатација на невработени млади луѓе за да ги испрати да се борат против терористичката група.
Ал-Шабаб е терористичка милиција која со години извршува напади во Сомалија и пошироко и има за цел да воспостави теократија заснована на шеријатскиот закон.
Во последните недели, имаше интензивирање на обновените судири меѓу владините трупи и милициите, особено на југот и центарот на земјата.