Тренерот на кошаркарскиот клуб Црвена звезда , Јанис Сферопулос, ќе остане на клупата на црвено-белите до 2027 година, бидејќи решил да ја прифати понудата за продолжување на соработката!
Според Meridian Sport, оваа работа е завршена, а останува само да се официјализира.
Сферопулос оваа сезона одлично си ја врши работата со црвено-белите, особено во Евролигата, каде по 19. коло Звезда има учинок од 11 победи и осум порази и моментално е на шестото место кое води директно во плеј-офот.
Црвена звезда минатата сезона со Сферопулос на клупата успеа да освои три трофеи во АБА-лигата, Купот Радивој Корач и Купот на КЛС.
Јанис во неколку наврати потенцираше колку му е убаво во Белград и дека планира да стане клупска легенда.
Иако многу „кошаркарски стручњаци“ често го оспоруваа, тој докажа дека е еден од најдобрите тренери во Европа, а навивачите на Звезда се надеваат дека ова е конечно сезоната кога нивниот клуб ќе направи пробив во Евролигата!