Мафијашките босови во Неапол, Италија, им понудиле парична отштета на родителите чиј син наводно по грешка го убиле, по што чинот да биде уште по грозоморен го раствориле неговото тело во киселина.
Понуда од 60.000 евра и стан била понудена од Салваторе Камарота и Карло Напи, чие судење треба да започне за убиството на Џулија Џако во 2000 година. Забите на жртвата и биле скршени со чекан, а телото му било растворено во киселина за да се прикрие злосторството, пишува The Times.
Случајот бил без епилог со години, а бил разрешен кога одметникот од мафијашкиот клан „Полверино“ ги обвинил Камарота (56 г.) и Напи (64 г.) дека го нарачале убиството, тврдејќи дека го згрешиле идентитетот на човекот што го убиле.
„Бараа човек по име Салваторе, кој беше обвинет дека имал афера со внуката на Камарота, која била партнерка на член на мафијашкиот клан. Им беше кажано дека ќе биде на одредено место во одредено време за да се изврши убиството“, изјавил адвокатот Алесандро Мота, кој го застапува семејството на жртвата.
Првите луѓе на мафијата испратиле луѓе облечени како полицајци. Тие му наредиле на човекот да влезе во нивниот автомобил, но Џако бил фатен по грешка. Последното нешто што им рекол е – „Офицере, не си во право, јас сум од добро семејство“, а потоа му пукале во глава.
Кога го однеле крвавото тело на Камарота, тој го извлекол од автомобилот и го претепал, а потоа му ги скршиле и забите за да не останат докази. Неговото тело било растворено во киселина, а остатоците биле фрлени во неразвиена област на периферијата на Неапол, пишува The Times.
Поранешниот мафијаш Роберто Пероне и рекол на полицијата дека тоа бил „најтемниот момент во неговата криминална кариера“ кога сфатиле дека убиле погрешен човек. Џако (26 г.) воопшто немал криминална историја.
Во пресрет на судењето, Камарота и Напи на семејството на жртвата му понудиле по 30.000 евра, а Камарота додал стан за кој тврди дека вреди 120.000 евра.
„Според италијанскиот закон, можно е да добиете само третина од казната доколку платите отштета за делото“, објаснил адвокатот на семејството, но тие категорично ја одбиле нивната понуда.
„Тие бараат најстрога казна за сторителите на ова страшно злосторство, особено затоа што никогаш не го добија телото на нивниот син“, заклучил адвокатот.