Во текот на денешниот ден, ураганот Ерин како бура од категорија 1 одеднаш се засили во најсилната бура од категорија 5 со ветрови од 260 км/ч.
Вредноста на воздушниот притисок падна на само 917 милибари
Центарот на бурата се наоѓа над отворениот Атлантик, но опсегот на бурата е доволно широк за периферно да го покрие северниот дел од Малите Кариби и да донесе бурни ветрови, обилни дождови и високи бранови.
Ураганот моментално се наоѓа 170 километри северно од Ангвила, а се предвидува дека неговиот центар ќе остане над морето, како и ќе помине северно од Порторико и Девствените Острови, без да стигне до копно.
Издадени се предупредувања за тропска бура за островите Сент Мартин, Сент Бартс и Сент Мартин.
Центарот за урагани предупреди дека обилните дождови ќе предизвикаат ненадејни поплави, лизгање на земјиштето и свлечишта во некои области.
Метеоролозите предвидуваат дека ураганот ќе добие двојно, па дури и три пати поголема сила во наредните денови, а развиените крајбрежни области на САД, како што се делови од Северна Каролина, Лоун Ајленд, Њујорк, Кејп Код и Масачусетс, се изложени на поголем ризик од директна и потенцијално сериозна тропска бура или ураган отколку поголемиот дел од јужен и централен Атлантик, како и брегот на северна Нова Англија, објави метеоролошката служба.
Владата на САД распореди повеќе од 200 членови на Федералната агенција за управување со вонредни состојби и други агенции во Порторико како мерка на претпазливост, а локалните власти изјавија дека 367 засолништа се проверуваат и дека би можеле да се отворат по потреба.
Американската крајбрежна стража вчера објави дека затворила шест пристаништа во Порторико и две на Американските Девствени Острови за сите дојдовни бродови.
Во меѓувреме, властите на Бахамите исто така соопштија дека подготвиле голем број јавни засолништа и ги повикаа жителите да ја следат ситуацијата.
Научниците го поврзуваат екстремно брзото засилување на бурите во урагани во Атлантскиот Океан со климатските промени, што го отежнува правењето прогнози и планирањето мерки за вонредни ситуации, според АП.