Интерпол вчера се вклучи во потрагата по исчезнатата 14-годишна скопјанка Вања Ѓорчевска, по која се трага веќе четврти ден. Министерството за внатрешни работи на Македонија формираше посебен штаб за потрага по Вања.
Министерството за внатрешни работи продолжува со распит на сите лица кои биле блиски со Вања, проверувајќи и го компјутерот, прегледувајќи ги снимките од надзорните камери од објектите во областа каде што исчезна Вања.
Целиот регион се крена на нозе по исчезнувањето на 14-годишната Вања . Фотографијата на Вања со детален опис се споделува на социјалните мрежи, адресирана до секој кој може да помогне.
Мајката на Вања во понеделникот на својот Фејсбук профил напишала дека девојчето во 7 часот и 20 минути излегло од дома за да оди на училиште и оттогаш се води како исчезнато. Последниот сигнал од нејзиниот телефон бил лоциран на улицата „Партизанска“ спроти Универзалната сала во Скопје.
Вања е висока 175 см, тежи 58 килограми, темно кафеава коса, кафени очи, носи протези, а има бенка на десната страна од лицето.
Облечена е во сина блуза, црна јакна, црни фармерки со странични џебови, бели патики со кафени риги. Носи училишен ранец и мобилен телефон Ајфон.