Ги бакнуваше музичарите, му ја кинеа кошулата, пееше на цел глас… Така ѕвездата на „Јужен Ветер“, Милош Биковиќ, ја прослави радосната вест. Првото дете актерот го доби со вереницата Ивана Малиќ, момчето Василија. Ивана Малиќ се породила во приватна болница во Белград, а српските медиуми пишуваат дека таа се чувствува добро.
„Моите браќа цигани ми велат ‘имаш циганска душа’ и тоа е еден од најубавите комплименти за мене. Ги сакам затоа што душата е дефицитарна роба денес“, вака актерот ја започна својата објавата на социјалната мрежа Инстаграм.
Тој им објасни на своите следбеници дека кошулата се кине кога ќе станеш татко бидејќи го симболизира почетокот на новиот живот, не само на детето, туку и на таткото. Видео-објавата на Милош Биковиќ можете да ја погледнете ОВДЕ.
„Мојот роденден не ни започна и веќе ги добив подароците. Го добив НЕГО… Најголем благослов од сите“, напиша регионалниот и светски познатиот актер.
Откако се прослави во српскиот филм „Јужен Ветер“ и рускиот филм „Слуга“, Милош Биковиќ продолжува со успесите.
Имено, актерот доби улога во серијата „The White Lotus“, чие снимање на третата сезона започнува овој февруари. Нему ќе му се придружат Лесли Биб, Кери Кун, Дом Хетракул, Џејсон Ајзакс, Мишел Монаган, Паркер Пози, Наташа Ротвел и Тејме Таптимтонг.