Грета Тунберг e уапсена откако им се придружила на стотина демонстранти кои во вторникот наутро се собрале пред хотел со пет ѕвезди во Лондон за да го осудат состанокот наречен „Оскари на нафтата“.
На видео-снимката се гледа како шведската активистка за климатски промени е ставена во задниот дел од комбето од полицијата, откако учествувала во протестите кои ги блокираа влезовите во хотелот односно местото каде што се одржува енергетската интелигенција (ЕИФ), која ги обединува директорите на фосилните горива и Владата.
Видео-снимката од апсењето на Грета Тунберг можете да ја погледнете ОВДЕ.
Критичарите го нарекоа настанот „конференција за пари од нафта“ во однос на неговото претходно име – конференција за нафта и пари.
„Зад овие затворени врати на конференцијата за нафта и пари, политичари без кичма прават зделки и компромиси со лобисти од деструктивните индустрии, индустријата за фосилни горива“, вели Грета Тунберг.
Полицијата соопштила дека пет лица се уапсени и приведени поради сомнение дека го попречувале автопатот.
Грета Тунберг неодамна беше прогласен за виновна и казнта од судот во Малме затоа што одбила да ги послуша полициските наредби за време на протестот за климатските промени во Шведска минатиот месец.