Низ социјалните мрежи се прошири бизарно видео од Србија. На него се гледа девојка облечена во минијатурен розов фустан и високи потпетици како влегува во јавен автобус, вади кесичка со компири, нож и – почнува да ги лупи.
Луѓето кои седат околу неа ја гледаат со целосно неверување.
„Дали е можно ова да го правите во јавен превоз“, напишал корисникот што го објавил видеото на социјалната мрежа Твитер.
Под видеото имало многу коментари, а повеќето пишувале дека видеото е „лажно“ и е снимено само за кликови и прегледи на социјалната мрежа Тик Ток.
Но, има и такви на кои сè им било забавно, па пишуваат дека „барем не фрла лушпи низ прозорецот“ и дека „ќе има зготвено половина ручек додека да дојде дома“.
А ова се уште неколку коментари оставени од корисниците под видеото:
„Дали е можно ова да е реално ?!“
„Секако, може да печи и компири, бидејќи некои автобуси се како фурни“.
„Веднаш би се оженил со оваа“.
„Наскоро во автобусите ќе сушат месо“.