Украинските сили сè уште се обидуваат да го вратат градот Бахмут на истокот на земјата, со помош на елитните снајперисти кои ноќе ги демнат руските војници и ги „бришат“ еден по еден.
Новинарски тим на BBC добил можност да се сретне со снајперска единица која спроведува ноќни операции во близина на уништениот град и да ги следи во акција. Елитната единица на украинската Армија се наоѓа на работ на окупираниот град, во домет на руската артилерија. Кога пред шест месеци единицата почна да ги тероризира окупаторите, тие ја нарекоа како – „Духовите на Бахмут“. Командантот, попознат како Дух води тим од околу 20 војници кои ловат цели со висока вредност.
На прашањето на новинарите на BBC колку Руси елиминирал неговиот тим, Дух спремно одговорил – 524.
„Од нив, 76 се мои. Секој истрел е електронски снимен“, тврди Дух.
Не сите снајперисти се сеќаваат колку окупатори елиминирале. Стрелецот Кузја вели дека нема со што да се гордее бидејќи „не убиваат луѓе, туку го уништуваат непријателот“. Пред да стане специјалист за снајперисти, Кузја работел во фабрика. Тој вели дека никогаш не бил премногу љубител на пушки, но почувствувал потреба да земе пушка кога Владимир Путин ја нападнал Украина.
„Секоја мисија е опасна пред да замине на ноќна мисија“, рекол Кузја.
BBC пишува: Како што се спушта мракот, возачот, двајца снајперисти од тимот и новинарската екипа влегле во оклопно возило и се упатиле кон местото каде што се остават војниците да продолжат пешки што е можно поблиску до линијата на фронтот. По дваесетина минути возење по патот, кој делумно се уште е под руски оган, возилото застанало кај една руинирана куќа. Снајперскиот тим од двајца луѓе излегол, а останатите брзо се вратиле во базата со возилото. Во базата командантот нетрпеливо чека вести од теренската екипа. Седум часа подоцна, возачот оди да ја земе снајперската екипа. Тој се обидува да вози по меморија, избегнувајќи да ги вклучи светлата за да не привлече внимание. За олеснување на целата единица, снајперистите за време на таа мисија се вратиле во базата без повреди. Во текот на половина година, неколку членови на тимот биле повредени, меѓу кои и командантот Дух, но, досега никој не е убиен.
„Секој пат можеби ни е последен, но правиме благородно дело“, вака го опишува Дух нивното работење. Командантот вели дека тој лично го избрал секој член на тимот врз основа на нивната „хуманост и патриотизам“ наместо воено искуство и вештини. Така, тимот вклучува искусни снајперисти со десетици убиства и дебитанти само надвор од обуката во Велика Британија.
Украинските снајперисти стационирани околу Бахмут се свесни дека мал тим како нивниот нема да ја добие војната. Веројатно нема ни да можат да го вратат Бахмут. Но, тие се убедени дека нивните постапки имаат смисла.
„Ние вршиме психолошки ефект врз непријателот, ловејќи еден по еден руски војници од работ за да не можат ниту да не видат ниту да чујат“, објаснува Кузја. Олександр Киндратенко, портпаролот на специјалните сили, неодамна во коментар за украинските медиуми откри дека снајперисти убиваат Руси во близина на Бахмут на растојанија од 715 до 2.062 метри.
Во текот на изминатиот викенд, украинскиот претседател Володимир Зеленски ги посети специјалните сили во секторот Бахмут и им се заблагодари што продолжиле да го покажуваат своето херојство и храброст 520 дена по почетокот на инвазијата.
„Вие сте воини со нераскинлива волја, издржливост, интелигенција, храброст и истрајност. Извршувате широк спектар на борбени мисии во најопасните и најтешки услови. Иако не можете да ни ги откриете деталите за вашите тековни операции, задачите што сте ги извршиле за доброто на Украина се навистина херојски“, им рекол Володимир Зеленски за време на посетата.