Фудбалерите на Атлетик Билбао се пласираа во полуфиналето на Купот на шпанскиот крал, откако во четвртфиналето по продолженијата ја совладаа Барселона со 4:2.
Херои на натпреварот беа браќата Инаки (29 г.) и Нико (21 г.) Вилијамс, кои со два гола во продолжението ја совладаа Барселона.
Во средата, Инаки Вилијамс се врати од Брегот на Слоновата Коска, каде што играше со Гана на Африканскиот куп на нации, и практично пристигна во „Сан Мамес“ од аеродромот. Тренерот на Атлетик Билбао, Ернесто Валверде, не го втурна веднаш во „оган“, само по еден час игра, а брилијантниот 29-годишен напаѓач ја надополни својата игра со гол за 3:2 во последните моменти од првото продолжение. Конечните 4:2 ги постави неговиот помлад брат Нико Вилијамс во 120. минута.
Баскискиот тим поведе уште во првата минута преку Горко Гурузета, но Барселона го сврте резултатот со головите на Роберт Левандовски (26 г.) и Ламине Јамал (32 г.). Охиан Сансет израмни во 49. минута.
Покрај победата на Атлетик Билбао, треба да се издвои и киксот на Ламине Јамал во 86. минута од натпреварот. Имено, младата ѕвезда на Барселона можеше да обезбеди победа за својот тим во самиот финиш на натпреварот, но за жал на навивачите на каталонскиот клуб промаши празна мрежа.
ПОГЛЕДНЕТЕ ГО ПРОМАШУВАЊЕТО НА ЛАМИНЕ ЈАМАЛ ОВДЕ
По големата грешка на одбраната на Атлетик Билбао, Ламине Јамал ја украде топката, трчаше кон голот и на пат го заокружи голманот на домаќините, но на крајот немаше прецизност.