Макс Парк (21 г.) од Калифорнија, САД, е еден од најпознатите ‘брзинки’ на планетата, а во понеделникот постави нов светски рекорд – ја реши Рубикова коцка за само 3,13 секунди.
Младиот човек, кому како дете му бил дијагностициран аутизам, поставил нов светски рекорд на т.н. натпревар за решавање проблеми – 3х3х3, објавија светските медиуми.
Макс Парк веќе има неколку Гинисови рекорди со различни големини на коцки и има најбрзо просечно време да реши Рубикова коцка со само една рака. Тој е еден од актерите во документарниот филм на стриминг платформата Нетфликс „Speed Cubers“, за конкурентниот свет на решавање на Рубиковата коцка.
На социјалната мрежа Инстаграм има 170.000 следбеници, а видеото од неговиот нов рекорд е прегледано повеќе од милион пати. Родителите на Макс Парк, Шаун и Мики, изјавиле дека натпреварот и активноста за решавање на Рубиковите коцки е начин да му помогнат на нивниот син да развие фини моторни вештини.
Тие веруваат дека клучот за развојот на детето со аутизам е да се најдат ситуации во кои може да се дружи. „Не можеше да отвора шишиња со вода, па постојано баравме нешто што ќе го натера да ги зајакне моторните вештини“, велат тие и додаваат: „Имавме Рубикова коцка во куќата и тој покажуваше интерес за тоа“.
Покрај моторичките вештини, натпреварите се одличен начин за негово подобрување и во другите животни ситуации.