Сафари камперите во Боцвана имаа необична многу блиска средба со дивиот свет од планираното, додека голем машки лав се шеташе низ нивниот камп – буквално на неколку метри од луѓето.
„Лавовите доаѓаат во камповите ненајавено и во тотална тишина како она што ни се случи“, рекол камерманот на настанот што се случува еднаш во животот, кој бил снимен на 8. мај во природниот резерват Кгалагади, објави Storty Full.
Неверојатната снимка започнува со животното како шета низ кампот, а откако навидум бега во грмушките, големиот „ѕвер“ потоа се свртува и оди кон семејството, чии членови си шепотат еден на друг да не се движат. Лавот потоа доаѓа веднаш до нивната трпезариска маса и го прегледува приборот за јадење.
Во еден момент, „кралот на џунглата“ случајно со раката соборува шише од масата. Видеото завршува со лавот кој им приоѓа на луѓето и им упатува застрашувачки поглед пред да исчезне во дивината.
Сепак, еден од камперите изјавил за магазинот дека се договориле пред патувањето дека доколку им се случи вакво нешто, „нема да трчаат бидејќи тоа ќе ги налути повеќето диви животни“.
„Ако некој паничи и трча или направи нагли движења, големи се шансите да биде нападнат“, изјавил сведок на настанот.