Смртоносното торнадо зафати делови од Оклахома на 19. април, оставајќи најмалку три лица загинати и многу домови без струја и вода. Сепак, како што пишува Newsweek, имало нешто особено необично и чудно во ова торнадо.
Силната бура проследена со грмотевици најпрво се развила над Апачи и Чикаша, југозападно од Оклахома Сити, кратко по 17:00 часот по локално време, објави Националната метеоролошка служба на САД. Невремето потоа се преселило северозападно, создавајќи „град со големина на бејзбол топка“. Во моментот кога ги поплавил Њукасл и Вали Брук, бурата веќе се претворила во торнадо, а потоа наеднаш по нејзиниот се создало уште едно.
Експертите забележале дека торнадото има многу необична структура. На пример, Ноа Бергрен, метеоролог за WPSD Local 6 во Кентаки, во објава на социјалната мрежа Твитер кажа дека торнадото има „луда структура“.
Видеата од џиновското торнадо биле снимени и од Захари Хол, „бркач“ на бури, кој на социјалната мрежа Твитер напиша дека – „ниту не се чувствува реално“.
Невремето обично трае долго, циркулирајќи одозгора. Циркулацијата расте нагоре низ бурата, а потоа надолу. Суперклеточната бура во Оклахома отстапи од она што обично го гледаат експертите.
Торнадото во Оклахома, исто така, го покажал ефектот Фуџивара – феноменот каде бурите кружат една со друга спротивно од стрелките на часовникот. Ова е нешто што обично се гледа само кај ураганите.
Овие два феномени може повремено да се појават кај торнада, но тоа е невообичаено. Фактот дека и двете се случиле во едно торнадо е исклучително редок.