Новак Ѓоковиќ е еден од најдобрите тенисери во историјата на овој спорт, но добро познато е дека до врвот стигна по трнлив пат.
Новак Ѓоковиќ израсна во Србија, каде што немал секогаш идеални услови за работа, а ја преживеал и агресијата на НАТО, која му останала во сеќавање за цел живот.
Пред три години, Новак Ѓоковиќ го угости Греам Бесинџер, новинар од телевизијата NBC 5 и му го покажа засолништето во кое се криел од бомбите на НАТО. Сега оваа емисија повторно е актуелна на споменатата телевизија, а зборовите на Новак Ѓоковиќ се уште одекнуваат.
„Се наоѓаме во засолништето под станот каде штотуку разговаравме. Секоја вечер овде ја поминувавме, најмалку 14-15 ноќи за време на бомбардирањето. Лудо е кога ќе помислите колку луѓе имало во ова засолниште и се криеле од опасноста која доаѓа од воздухот. Остана исто како и пред 20 години“, вака Новак Ѓоковиќ ја започнал приказната, а потоа одговорил на прашањето колку луѓе биле со него во прифатилиштето: „Се обидувам да се сетам, цела зграда, преку 50 стана беа во зградата, многу луѓе. Нема многу простор. Вака малите тунели, вратите би биле затворени во случај на пожар, детонација, експлозија…“
Новак Ѓоковиќ продолжил да раскажува за турбилентните моменти во еден здив.
„Сè е таму, оние ќошиња каде луѓето би се криеле и би барале безбедно место. Сега се изгледа поинаку, одамна не сум бил тука, не се сеќавам на многу работи. Бев многу мал, во страв, се плашев. Емоционално беше тешко, не знаев што може да се случи покрај моето семејство. Се сеќавам дека во првите неколку дена имаше многу страв и трепет, солзи, страдање. И по пет-шест дена луѓето почнаа да пеат, да играат карти и да ја прифаќаат реалноста со која се соочуваат и дека ќе мора да доаѓаат овде секоја вечер и да се молат се да биде во ред“, изјавил Новак Ѓоковиќ на американскиот новинар.
Видео-снимката од интервјуто на Новак Ѓоковиќ можете да ја погледнете ОВДЕ.