Угледниот српски политичар Расим Љајиќ диво ја прослави победата на локалните избори во родниот град – Нови Пазар, јавува Infolid.
Лидерот на Социјалдемократската партија на Србија, откако им се обрати на бројните сопартијци, активисти и симпатизери, скокна во толпата, која го носеше на раце, пеејќи партиски песни.
„Победивме убедливо! Во следните четири години Нови Пазар ќе го претвориме во мал Истанбул на Балканот“, порача Расим Љајиќ и скокна од автомобилот во кој го држеше својот говор во толпата на покана од членовите на партијата.
Од друга страна, Усаме Зукорлиќ вели дека се уште не е готово и дека неговата партија освоила 11.000 гласови и дека заедно со другите опозициски партии ќе имаат 24 мандати во Нови Пазар.
Расим Љајиќ веројатно го има најдолгиот министерски мандат во српската политика. Тој беше министер за човекови и малцински права во Советот на министри на Србија и Црна Гора, министер за труд и социјална политика во Владата на Република Србија, министер за надворешна и внатрешна трговија и телекомуникации и министер за трговија, туризам и телекомуникации.
Од 2004 година е претседател на Националниот совет за соработка со Хашкиот Суд, а од 2006 година координатор за спроведување на Акциониот план за прекин на соработката со Трибуналот. Од таа функција поднесе оставка во 2009 година бидејќи потрагата по Ратко Младиќ не вроди со плод.
По демонстрациите во Белград и соборувањето на Слободан Милошевиќ од власт на 5. октомври 2000 година, Расим Љајиќ беше назначен за министер за национални и етнички заедници во Владата на Сојузна Република Југославија.
Да се потсетиме дека Расим Љајиќ скокна во публиката и пред три и пол години за време на партиски митинг, исто така во Нови Пазар.