Во 32. коло од Премиер лигата, Вест Хем го декласираше Борнмаут на гостински терен со резлутат од 4:0, а за последниот гол на гостите, кој е ремек дело на Пабло Форналс, долго ќе се зборува во фудбалските кругови.
Повремениот англиски репрезентативец влета во шеснаесетникот на домаќините, со „фејк“ (лажен) го „скрши“ Џек Стивенс, а потоа нафрли пред противничкиот гол – каде Форналс најдобро се снајде. Иако топката доаѓаше од зад него, 27-годишниот Шпанец го изведе познатиот „шут шкорпија“ и го погоди долниот десен агол од голот на Нето за конечни 4:0.
Погледнете го голот на Форналс ТУКА.
Името за овој удар му се припишува на легендарниот колумбиски голман Рене Игуита, а една од неговите најпознати употреби на „шкорпијата“ се случи во септември 1995 година, за време на пријателскиот натпревар помеѓу Англија и Колумбија на „Вембли“.