Островот Крк во Хрватска крие една од омилените атракции меѓу туристите. Во старото јадро на општина Врбник се наоѓа Кланчиќ – една од најтесните улици во светот.
Иако не е прогласена за најтесна улица во светот, таа е посебна затоа што во неа живеат луѓе, па затоа не е само премин, туку и населена улица.
Кланчиќ во најтесниот дел е широка само 43 сантиметри. Според Гинисовата книга на рекорди, најтесната улица во светот, наречена „Spreuerhofstraße“ и се наоѓа во Ројтлинген, Германија. Широка е 31 сантиметар во најтесниот дел, додека просечната ширина е 40 сантиметри. Сепак, иако официјално е најтесната улица во светот, за разлика од Клачиќ, таа е само премин меѓу две згради.
Кланчиќ секојдневно го посетуваат огромен број туристи. Според статистиката составена пред пандемијата, Врбник бил втор град во Хрватска по бројот на туристички автобуси, веднаш по Дубровник.
„Во денешно време оваа мала појава, често за жителите на старото јадро кои живеат овде, не само што е атракција, туку и предизвик, бидејќи создава голема врева и гужви, а улиците до Кланчиќ се заглавени со сите кои сака да фотографира. Поради оваа причина, сакаме да кажеме дека Кланчиќ е една од атракциите на старото јадро и се трудиме гостите да ги упатуваме и на други локации, со цел донекаде да го задржиме фокусот на вредностите на дестинацијата во целина“, посочува директорката на туристичката организација на општина Врбник, Маријана Јадро.
Кога станува збор за други особености, на Врбник не му недостасуваат. Со него се поврзува и потеклото на презимето Франкопан, а општината е колевка на глаголицата.