Претседателот на Русија, Владимир Путин, за прв пат зборуваше во јавноста по авионската несреќа во која загинал лидерот на групата Вагнер, Евгениј Пригожин Во телевизиски говор Владимир Путин му изрази сочувство на семејството на Евгениј Пригожин.
Во телевизискиот говор Владимир Путин го нарече Евгениј Пригожин талентиран бизнисмен и најави дека истражителите ќе разгледаат што се случило, но дека вештачењето на несреќата ќе потрае.
Во меѓувреме, првиот човек на руската дипломатија, Сергеј Лавров, некогаш исклучително почитуван на Запад, а сега „засрамен“ дипломат, реагираше многу поинаку на прашањето за смртта на лидерот на групата Вагнер.
На X, социјалната мрежа порано позната како Твитер, Антон Герашченко, советник на украинскиот министер за внатрешни работи, објави видео во кое новинар го прашува Сергеј Лавров колку била блиска неговата соработка со Евгениј Пригожин.
Прашањето му било поставено во брзање, а на Сергеј Лавров очигледно не му се допаднало, па тој исто така одговорил брзински, како што иронично забележа Антон Герашченко во коментарите на својата објава – „на начин што Сергеј Лавров уште еднаш ги покажува своите исклучителни дипломатски способности .
„Од каде по ѓаволите дојдовте ?“, кажа Сергеј Лавров, мислејќи за новинарите кои „изненадно“ се појавија пред него и му го поставија „незгодното“ прашање.