Хроничното држење на главата напред е една од последиците на модерниот, седентарен начин на живот. Таквата положба на главата создава огромен притисок врз мускулите на вратот и негативно влијае на целокупното држење на телото.
Поради неприродната напредна положба на главата, предните мускули на вратот се слаби, а задните мускули се скратени и стегнати. Почитуван хиропрактичар др. Алан Мандел од Флорида дизајнираше серија едноставни вежби со кои можеме да си помогнеме, да ја ублажиме болката, вкочанетоста и да го подобриме квалитетот на животот.
Хроничното држење на главата напред влијае на бројни мускули на вратот и предизвикува грчеви, слабеење и иритација. Оваа техника е дизајнирана да ги ослободи оние длабоко згрчени мускули и дава итно олеснување, објасни др. Мандел во описот на видеото во кое ја демонстрираше изведбата на оваа техника која се состои од три чекори и трае вкупно 30 секунди.
Техника за олеснување на напнатоста на вратот во три чекори:
- Ставете ја десната рака на левата страна на клучната коска и истегнете ја левата страна на вратот пет секунди, навалувајќи го вратот на десната страна. Опуштете се. Потоа ставете ја левата рака на десната страна на клучната коска и истегнете ја десната страна на вратот пет секунди, навалувајќи го вратот на левата страна. Опуштете се.
- Испреплете ги прстите на задниот дел од вратот и турнете ја главата наназад десет секунди, држејќи ја исправена, односно без да ја кревате или спуштате брадата. Додека го правите ова, ќе почувствувате чувство на влечење во основата на вашиот череп, како и мускулите во предниот дел на вратот како се стегаат. Опуштете се.
- Ставете ги рацете на вратот, веднаш под черепот и подигнете го черепот со рацете и турнете ја главата назад со благо крената брадата. Држете ја оваа позиција десет секунди. Опуштете се.
Како што вели др. Мандел, веќе по првото изведување на оваа вежба ќе почувствувате значително подобрување, вратот ќе биде помобилен, а мускулите поопуштени и послободни.
Оваа вежба можете да ја изведувате секогаш кога ќе почувствувате потреба, но за 30 секунди треба да ги почувствувате резултатите, вели киропрактичарот.