Пејачката Тејлор Свифт доживеа иритирачка несреќа на сцената додека настапуваше на нејзината турнеја „Eras Tour“.
Поп-ѕвездата ненадејно почна да кашла на сцената на „Soldier Fielda“ во Чикаго пред повеќе од 60.000 обожаватели, како што може да се види на видеата кои кружат на социјалните мрежи, а таа потоа сподели со публиката што се случило:
„Готтнав бубачка. Извинете“, кажала пејачката и се пошегувала на своја сметка:„О, вкусно. О Боже. Има ли шанса никој од вас да го вкусил ова ? Добро е, ја голтнав“.
„Ќе се обидам да не голтам повеќе бубачки вечерва. Но, тоа ќе се случи повторно. Има многу бубачки. Ги има илјадници. Како и да е, ова беше забавно“, им кажала пејачката на обожавателите.
Овој концертен прекин се случи на третиот и последен концерт во Чикаго. Таа го одбележа своето прво појавување во градот за да го прослави почетокот на месецот на гордоста со страсна порака за нејзините LGBTQ+ обожаватели.
„Вечерва внимавам и гледам толку многу неверојатни поединци кои живеат автентично и убаво, а ова е сигурно местото за вас. Ова е место за славење за вас!“, кажала таа и ги охрабрила обожавателите да продолжат да се борат за својата LGBTQ+ заедница и после месец јуни и да гласаат на локалните избори.
Саботната вечер во Чикаго беше одбележана со гостувањето на музичарот Марен Морис, каде заедно го испеаја својот дует „You All Over Me“.