Надзорна камера го снимила вознемирувачкиот момент кога полицаец од Мичиген, САД, претепал приведен тинејџер, а видеото со огромна брзина се шири на Интернет.
На видеото се гледа како полицаец од станица во предградието на Детроит фаќа млад човек за коса и го удира со лицето на подот. Полицијата во вторникот објави снимка од надзорните камери и соопшти дека полицаецот Метју Родригез (48 г.) е суспендиран и обвинет за напад и намерно занемарување на должноста.
Полицискиот комесар Вилијам Двајер го нарекол инцидентот „тажен и вознемирувачки“ за секој член на полициските сили.
„Тоа не го правиме ние. Тоа не сме ние!“, изјавил комесарот и ги пофалил двајцата полицајци кои брзо го пријавиле вознемирувачкиот напад, пренесуваат тамошните медиуми.
На видеото се гледа Метју Родригез, полицаец ветеран, како го гони осомничениот за кражба на автомобили околу 6 часот наутро во вторник. Додека службеникот оди кон печатачот во канцеларијата, тој разменува зборови со осомничениот. Многу поголемиот полицаец потоа ненадејно замавнува со испружената десна рака и го удира осомничениот по лицето со што го соборува на земја.
Двајца други полицајци се приближуваат додека Метју Родригез го зграпчува тинејџерот за да го тресна неговото лице од земја. Потоа грубо го фаќа осомничениот за коса и го води во ќелијата.
Снимката од полициска бруталност стана вирална на Интернет.
Осомничениот за кражба на автомобили не поднел жалба за тепањето, меѓутоа, двајца други полицајци што се гледаат на видеото го пријавиле нападот околу еден час подоцна, што предизвикало итна истрага и Метју Родригез бил ставен на суспензија.
Метју Родригез бил ослободен со лична обврзница од 5.000 долари, а сослушувањето на суд е закажано за 13. јули.