Украински снајперист наводно елиминирал непријател од далечина од 3.800 метри, со што поставил светски рекорд за погодок од најголема далечина, пишува Daily Mail.
Неименуван снајперист на Украинската служба за безбедност (СБУ), наводно, успеал да го собори претходниот рекорд на канадски снајперист, кој уби борец на Исламската Држава од далечина од 3.540 метри во 2017 година.
„Нашите снајперисти ги препишуваат правилата за глобално снајперство, покажувајќи неспоредливи способности за ефективно дејствување на неверојатни растојанија“, соопшти СБУ.
Украинската Армија објави видео во кое се тврди дека ја прикажува целта со најголем дострел соборена досега, но не даде други детали за нејзиниот рекордер. Тие не наведуваат кога е направено ова и каде е снимено, ниту пак прикажуваат докази за поткрепиле дека е соборен светскиот рекорд, а видео-снимката можете да ја погледнете ОВДЕ.
Познато е само дека украински снајперист убил руски војник со пушка наречена „Господар на хоризонтот“. Медиумите пишуваат дека снајперската пушка со долг дострел е развиена од MAYAK, украински производител на оружје. „Господарот на хоризонтот“ може да испука куршуми на таков начин што речиси 3.000 метри стануваат побрзи од брзината на звукот.
Да потсетиме, минатата година Украина исто така тврдеше дека еден од нејзините снајперисти убил руски војник од далечина од 2.710 метри, што би било второто најдолго растојание од кое непријателот бил погоден во борба, доколку се потврди.
Во конфликтот со Русија, украинските снајперисти често се испраќаат на првите линии, со задача да уништат руски цели со висока вредност пред да влезат другите воени сили во битка.