Неколку средношколци ја претепале помошник-директорката во средно училиште во Тексас, САД, која итно била префрлена во болница со сериозни повреди на главата, пишува Daily Mail.
Учениците во средното училиште „Westfield“ во Спринг, град 30 километри северно од Хјустон, ја собориле помошничката директорка на подот додека таа се обидувала да прекине групна тепачка. Бруталното претепување, кое се случило во четвртокот во училишниот центар, на кое присуствувале ученици на возраст од 15 и 16 години, е снимено и објавено на социјалните мрежи од страна на другите средношколци.
Таткото на претепаната помошник-директорка изјавил дека таа имала неподносливи болки во главата и дека по инцидентот ѝ треба детално скенирање. Другите членови на училишниот персонал кажале дека не се чувствуваат безбедно на работа и дека „родителите би биле вознемирени“ доколку точно знаат колку е небезбедна внатрешноста на училиштето поради однесувањето на учениците.
Многу луѓе се огласија на социјалните мрежи за да го изразат своето згрозување од инцидентот, а корисниците кои ја видоа видео-снимката коментираа дека сцената е „срцепарателна“ и „вознемирувачка“. Некои дури коментираат дека учениците треба да се оценуваат како возрасни и да се сносат со последиците од законот.
Училиштето даде официјално соопштение по инцидентот:
„Дошло до расправија меѓу двајца ученици. Повреден е член на персоналот кој се обидел да интервенира и да ја прекине расправијата. Вработениот бил пренесен на лекување во блиската болница и бил пуштен подоцна истата вечер. Мора да нагласиме дека вработениот никогаш не бил мета на расправија, туку бил повреден како резултат на обид за деескалација на ситуацијата“, велат од училиштето, пренесува Daily Mail.