Загубен ѓердан направен од заби на мегалодонот (некогаш најголемиот и најмоќниот океански предатор) е пронајден покрај остатоците од потонатиот борд Титаник, пишува Newsweek.
Ѓерданот не е забележан досега никогаш откако потона бродот Титаник во 1912 година.
Ѓерданот го пронашла компанијата Magellan Ltd од островот Гернзи на Ла Манш. Компанијата е специјализирана за подводни истражувања и мапирање на морското дно. За потсетување, Magellan Ltd заедно со Atlantic Productions од Лондон направија тродимензионален модел на бродот Титаник, а Atlantic Productions снима и документарен филм за процесот на создавање на моделот. За да го направат моделот, подводни нуркачи без екипаж пловеле околу потонатиот брод Титаник 200 часа и за тоа време направиле повеќе од 700.000 фотографии од него.
На една од тие фотографии, компанијата Magellan Ltd забележала ѓердан направен од мегалодонски заби, во кој имало и злато.
Извршниот директор на компанијата, Ричард Паркинсон, вели дека откривањето на ѓерданот е „неверојатно и убаво“ и „одзема здив“.
Мегалодонот изумрел пред приближно 3,6 милиони години, а прв пат бил забележан пред повеќе од 20 милиони години. Според Природонаучниот музеј во Лондон, најголемиот мегалодон бил долг помеѓу 15 и 18 метри.
Забите од мегалодон би можеле да бидат долги и до 17,5 сантиметри. Сепак, мегалодонските фосили од заби кои можат да се најдат во природата обично се долги меѓу осум и 13 сантиметри.
Magellan Ltd не го извадил ѓерданот од потонатиот брод бидејќи САД и Велика Британија се договориле јавноста да не извлече ништо од потонатиот брод.
Magellan Ltd моментално се обидува да открие кому му припаѓа ланчето. Вештачката интелигенција ќе придонесе за пребарувањето преку анализа на снимките од качувањето на патниците и контактирање со роднините на патниците.