Неколкудневните обилни врнежи на северот на Франција доведоа до излевање на реките, кои поплавија куќи, поради што населението беше евакуирано, додека повеќе од 100 градови се во највисока готовност.
Околу 200 училишта се затворени, а спасувачите мораат да преместат и добиток, пренесува медиумската агенција Reuters. Министерот за животна средина на Франција, Кристоф Бешо, вели дека во неколку десетици населени места ќе биде прогласена природна катастрофа, што ќе им олесни на сопствениците на домови и бизниси кои се поплавени да имаат корист од осигурувањето, а снимките од ужасите можете да ги погледнете ОВДЕ.
Во департманот Па-де-Кале на северот на Франција, по обилните врнежи се поплавени стотици куќи и обработливи полиња, евакуирани се 133 лица, а црвениот метеоролошки аларм и денеска е во сила, а како изгледа состојбата таму можете да погледнете ОВДЕ.
Од понеделник три лица се полесно повредени во снежното невреме.
Во тој ресор за синоќа беа најавени 90 до 100 милиметри дожд на метар квадратен, колку што е количината на врнежи за просечно месечно ниво, а врнежите продолжија и денеска и се прогнозираат 30 до 50 милиметри врнежи, пренесуваат француските медиуми.
Претседателот на Франција, Емануел Макрон, во четвртокот ги повика граѓаните да бидат внимателни поради поплавите. Во Па-де-Кале во четвртокот вечерта имало околу стотина интервенции на пожарникарите и евакуирани се 133 лица. Црвениот крст отвори 12 сместувачки центри.
Во Сент Етјен ноќта меѓу понеделник и вторник беа оштетени околу 300 куќи. Училиштата во 200 општини денеска ќе останат затворени, а железничкиот сообраќај е во прекин на релации Булоњ-Етапл и Сен Пол-Етапл најмалку до сабота.