Британски туристи кои престојувале во хотел со четири ѕвезди во шпанското одморалиште Бенидорм снимиле чистачка како им се прикрадува во нивната соба.
Daily Mail наведува дека Аластер и Сју Конер платиле околу 6.400 евра за сеопфатен пакет зделка во одморалиштето „Magic Nature“, каде што патувале со нивниот 15-годишен син Џек во септември.
Веќе на почетокот на нивниот одмор работите почнале да исчезнуваат од нивната соба, па ова семејство од Стоктон решило да направи нешто и поставило скриени камери во собата за да ја реши оваа мистерија.
Пред да ја напуштат собата, ги фотографирале работите додека ги оставале, а Аластер Конер го оставил вклучен лаптопот за да може камерата на него да снима што се случува.
Кога се вратиле во собата и ја прегледаа снимката, не можеле да поверуваат што гледаат.
Камерата ја снимила чистачката како пребарува по нивните џебови и ги става кутиите од парфем и цигари во држачот за четка за да ги украде.
Британското семејство тврди дека за време на престојот во тој хотел биле оштетени за 750 евра, од кои 385 евра во кеш, парфем од 100 евра и 260 цигари.
Туристичката агенција „Jet2“, која го организирала нивниот престој во Бенидорм, им понудила да им ја надомести штетата од 750 евра, но тие ја одбиле и бараат да им се вратат сите пари дадени за пакет-аранжманот.
Daily Mail објави дека одморалиштето „Magic Naturе“ и шпанската полиција не одговориле на барањата за коментар.