Поранешениот разузнавач, Дејвид Груш, тврди дека Пентагон пронашол „непроменети или делумно недопрени авиони“ од вонземско потекло и дека доказите за вонземска технологија биле незаконски задржани од конгресниот надзор од страна на разузнавачката заедница со цел „намерно да се спречи тој надзор“ и истиот да не биде објавен во јавноста.
Ветеран на воздухопловните сили и поранешен член на Националната агенција за геопросторно разузнавање излезе во јавноста со информацијата и тврди дека вонземјаните се чуваат во тајност.
Заматените видеа од неидентификувани летечки објекти долго време се главна цел на оние кои бараат докази дека приказните за НЛО можеби не се теории на заговор. Во последниве години, Владата на САД презеде посилна улога во истражувањето на ваквите видувања, при што Конгресот создаде официјална владина работна група за ‘Неидентификувани воздушни феномени‘, неодамна преименувана во ‘Канцеларија за решавање на аномалии на сите домени‘ или AARO.
Во исто време, НАСА и други владини агенции постојано велат дека нема веродостојни докази за вонземски активности на Земјата, припишувајќи ги повеќето видувања на природни феномени или вештачки објекти.
Сега, ветеранот на воздухопловните сили и поранешен член на работната група, Дејвид Груш, официјално објави тајни за кои вели дека никој јавно не ги открил досега.
Дејвид Груш разговараше исклучиво со наградуваниот истражувачки новинар Рос Култхарт, известувајќи за NesNation. Рос Култхарт со години известуваше на тема НЛО.
Во својата улога во одбранбениот естаблишмент на САД, Дејвид Груш (36 г.) вели дека му се доверени некои од најголемите тајни на Владата.
Дејвид Груш изјави за NewsNation дека американската јавност е лажена со децении.
„Постои софистицирана кампања за дезинформации насочена кон американското население, што е крајно неетичко и неморално“, тврди Дејвид Груш.
Ако изјавите на Дејвид Груш се вистинити, тоа би било прв пат официјален претставник на американската Влада да каже дека не сме сами во универзумот.
„Ние дефинитивно не сме сами“, нагласува Дејвид Груш и додава: „Податоците покажуваат, сосема емпириски, дека не сме сами“.
Дејвид Груш, исто така, изјави за NewsNation дека не биле пронајдени само вселенските летала.
„Па, се разбира, кога ќе повратите нешто што или слетало или паднало. Понекогаш ќе наидете на мртви пилоти и верувале или не, колку и да звучи фантастично, тоа е вистина“, вели тој.
Новинарката Лесли Кин ја објави приказната на Дејвид Груш во „The Debrief“ во понеделникот наутро. Нејзината кариера е веродостојна, вклучувајќи серија ексклузивни извештаи за НЛО за The New York Times кои датираат од 2017 година.