Владејачката Монголска народна партија (МНП) победи на парламентарните избори во Монголија, но ќе има значително помало мнозинство во законодавниот дом поради добриот резултат на опозицијата, покажуваат делумните резултати од гласањето, јави ДПА.
Со преброени речиси 100 отсто од гласовите, на вчерашното гласање, левиот центар МНП најверојатно ќе има 68 пратеници во 126-члениот парламент.
На претходните избори партијата освои 62 пратенички мандати, но тогаш законодавниот дом имаше 76 мандати.
Премиерот Лувсанамсреин Ојун-Ерден ја прогласи својата МНП за победник на парламентарните избори, деветти од воспоставувањето на демократијата во Монголија по крајот на Студената војна во 1990 година.
Демократската партија на десниот центар постигна сериозни успеси во гласањето, што и донесе 42 места во новиот состав на парламентот, додека конзервативната формација ХУН, која е трета политичка сила, ќе има осум пратеници.
Излезноста на гласачите беше околу 69 отсто од над 2 милиони луѓе со право на глас.