Коалицијата ВЛЕН денеска ги обвини ДУИ и СДСМ дека се обидуваат да го вратат поранешниот премиер Никола Груевски во Македонија, како што велат, за да предизвикаат неединство во ВМРО-ДПМНЕ.
„Отрпена од 20 години власт и заслепена од арогантно однесување, ДУИ избра молк пред вистината. Јавното мислење неодамна дозна шокантни детали за тоа како оваа партија преку своите експоненти го оркестрирала сензационалното враќање на поранешниот премиер Никола Груевски во Скопје, како во холивудско филмско сценарио“, велат од коалицијата ВЛЕН преку соопштение.
„Во шокантните детали за операцијата за враќање на поранешниот премиер Никола Груевски во Северна Македонија, вмешани се група шверцери предводени од претседателот на партијата Али Груевски Ахмети, поранешниот вицепремиер Артан Казино Ман Груби и поранешниот министер за надворешни работи Бујар Пациентот Османи, кој додека беше министер се сретна со Груевски во Будимпешта. На Водно имаше средба за враќање на Груевски. На оваа средба што се одржа во март учествуваа Стево Пендаровски, Димитар Ковачевски, Али Ахмети, Бојан Маричиќ, Артан Груби, Бујар Османи. Али, кој има толкава носталгија за Никола Груевски кој толку многу им нанел зло на Албанците, нагласи дека овој може да се врати на два начина, преку помилување од претседателот и преку „нашинците“ во судовите. Сепак, ова беше најпозитивниот дел од средбата, кој го сними вработен во администрацијата. Додека траела средбата, тој успеал да го сними телефонскиот разговор од кабината на преведувачот и на крајот истата снимка да му ја предаде на Блерим Ќосето Беџети. Ахмети и ДУИ, за да го спроведат својот план за ослободување на Груевски, вршеа силен притисок врз Врховниот суд, но тука наидоа на неволност на претседателката на овој суд, Беса Адеми, против која подоцна беше покрената иницијатива за разрешување како резултат на неслушање на наредбите. Потсетуваме на мислењето дека тогаш холандскиот амбасадор го посетил Али Груевски во Речица и Вогел каде го предупредил дека тој и неговата партија треба да се откажат од судовите и да престанат со притисоците. Потсетуваме и дека измените во казнениот законик што ги спроведе ДУИ беа донесени за да се активира од Будимпешта“, се вели во соопштението на ВЛЕН.