Изјавата на шефот на бугарската дипломатија дека уставните амандмани не се конечно барање на бугарската страна продолжува да предизвикува политички судири.
Владејачката партија ВМРО-ДПМНЕ го обвинува СДСМ дека ги мами граѓаните, порачувајќи дека уставните измени се последното нешто што треба да го голтне државата.
„Димитар Ковачевски, Бојан Маричиќ, Бујар Османи веќе две години тврдат дека уставните измени ќе бидат последното барање на Бугарија, иако ВМРО-ДПМНЕ предупреди дека тоа нема да биде така. СДСМ свесно лажеше. Она што сите го знаеја и на што предупредувавме, сега самата Бугарија го кажа. Бугарскиот министер за надворешни работи јасно стави до знаење дека не беа последните уставни измени. ВМРО-ДПМНЕ и нејзините промислени и државнички политики, СДСМ ќе ја уништеше државата“, нагласуваат од ВМРО-ДПМНЕ.
СДСМ реагираше дека Северна Македонија има договори со ЕУ, каде што е јасно дефинирано што и како треба да се исполнува.
Преговарачкиот процес на земјава со ЕУ е закочен, бидејќи земјата се уште не ги одобрила уставните амандмани, што според францускиот предлог е услов за почеток на преговори со ЕУ.