Поради неспособноста на градоначалничката Данела Арсовска градот Скопје со денови тоне во ѓубре. Згора на тоа кога градоначалниците од ВМРО-ДПМНЕ со помош на механизација од други општини од внатрешноста на Македонија почнаа да го собираат сметот, деструктивната Арсовска му забрани на ЈП Дрисла да дозволи тој отпад да го складира, соопштуваат од ВМРО-ДПМНЕ.
Нагласуваат дека поради неодговорноста и политичкиот инает прави штети и го загрозува здравјето на граѓаните. Што би рекол народот ем шуто, ем боде. Ем не го собираше ѓубрето, ем не дозволува други тоа да го направат во интерес на народот. Притоа градоначалниците од ВМРО-ДПМНЕ со далеку поскромни капацитети и ресурси се екипираа и организираа да ја завршат работата што е во надлежност на Градот Скопје.
Недозволиво е политичките игри на Данела, нејзините чести менувања на директори и расчистувања со коалициски струи кои сега ја поддржуваат, нејзините фрустрации и примитивизам да се удираат го грбот на граѓаните на Скопје, велат од партијата.
Пресметките со струи, групи и поединци нека ги прави преку институциите на системот, а притоа да овозможи нормално фукционирање на јавните претпријатија. Скопјани бараат услуги од страна на Градот кои им следуваат. Доколку Арсовска не може да ги испорача нека си поднесе оставка- стои во соопштението.