Претседателот на Украина, Володимир Зеленски, изјави во петокот дека мостот што го поврзува полуостровот Крим со Русија ‘носи војна, а не мир’ и затоа е воена цел.
Во експлозиите во понеделникот на мостот на Крим или Керч загинаа двајца цивили и онеспособија дел од патниот мост, кој неодамна се врати во целосна работа откако беше тешко оштетен во сличен напад во октомври минатата година.
Украина го поздрави нападот од понеделникот, но властите директно не ја презедоа одговорноста, додека официјална Москва го обвини Киев.
Крим беше анектиран од Русија во 2014 година и Украина го сака назад бидејќи се бори против руската инвазија веќе 17 месеци.
„Патот и железничкиот мост изградени од Русија и отворени за сообраќај во 2018 година не се само логистички пат“, рекол Володимир Зеленски, обраќајќи се на безбедносната конференција во Аспен, САД, преку видео врска.
„Тоа е рута што се користи за хранење на војната со муниција и тоа се прави секој ден. И го милитаризира полуостровот Крим“, кажал Володимир Зеленски.
„За нас тоа е разбирливо непријателски објект изграден надвор од меѓународните закони и сите важечки норми. Значи, разбирливо, тоа е цел за нас. И целта што носи војна, а не мир, мора да биде неутрализирана“, нагласил Володимир Зеленски.
Володимир Зеленски, одговарајќи на прашања од модераторот, негирал каква било поврзаност помеѓу нападот и повлекувањето на Русија оваа недела од договорот за извоз на жито од украинските пристаништа. Русија, како што кажал тој, од самиот почеток го блокира коридорот за жито.